Svikta av politikarane

Eg er ein gut som bur i Framfjorden ved fylkesveg 92, som går frå Vik til Nese. Kvar dag køyrer eg fram og tilbake frå skulen på denne vegen, som er ein av dei farlegaste vegane i heile Noreg. Vegen har vore teke opp med lokale politikarar og fylket fleire gongar og så godt som ingenting har skjedd heilt sidan vegen vart bygd tidleg på 1970 talet. Gjennom heile året, men spesielt om hausten og vinteren er det ofte steinar på vegen. Mange av desse må ein flytte på for å komme seg forbi. Nokre av steinane er så store at om dei hadde truffe så ville dei ikkje berre gjort skade på bilen, men også på menneska inni.. Det er fælt å tenkje på!

Steinane er ein ting, men ganske ofte i løpe av året kjem det ras.
Fleire kubikk med stein, jord og snø kjem ned. Dette kan få store
konsekvensar! I tillegg blir då ofte vegen stengd, og det å få på plass
alternative båtruter tek tid og fungera ofte dårleg om det i det heile tatt vert
sett inn. Så når dette skjer, er samfunnet i Arnafjorden så godt
som isolert frå resten av omverda. Dei mest rasutsatte områda er ved Eitrenese og frå Eitrenese til Nisstad, altså kring 6 km samanhengande rassone. For ei tid sidan opplyste vegkontoret at det raste 56 gonger på fem år. Dette var registrerte ras, men det kjem også ofte steinar som ikkje vert meldt inn.

I tillegg til alt dette er det svært dårleg rekkverk på mykje av vegen, og enkelte stader er det ikkje rekkverk i det heile.

Det at ein andre stadar i landet snakkar om kor vidt ein skal byggje dobbel eller firefelt veg, med rekkverk på begge sider får oss i Arnafjord til å føle oss mindre verdt. Det er så mange gonger det har vore nære på før nokon har blitt truffe av ras. For ikkje alt for lenge sidan høyrde me om ein sambygding som vart fanga mellom store steinar som kom ned. Det raste på begge sider av han. Sjølv om slike hendelsar ofte blir opplyste om, gjer ikkje nokon noko med vegen!

Så det eg og andre i Arnafjorden lurer på er: Må liv gå tapt for at politikarane skal forstå, reelt engasjera seg og faktisk gjera noko med denne farlege vegen?

Lars-Magnus 16 år

2 kommentarer om “Svikta av politikarane

Legg igjen en kommentar til Andrine Avbryt svar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s